नायगाव बुद्रुक शाळेचे आणखी एक भविष्यवेधी पाऊल

विद्यार्थ्यांसाठी जपानी भाषा शिक्षण उपक्रमाचा शुभारंभ; प्रा. डॉ. विजय वाकोडे यांची नि:शुल्क सेवा

प्रतिनिधी | नायगाव बुद्रुक (ता. चिखली)

विद्यार्थ्यांना जागतिक स्तरावरील ज्ञान, कौशल्ये आणि रोजगाराच्या संधी उपलब्ध करून देण्याच्या उद्देशाने जिल्हा परिषद मराठी उच्च प्राथमिक शाळा, नायगाव बुद्रुक येथे रविवार, दि. 19 जुलै 2026 रोजी जपानी भाषा शिक्षण उपक्रमाचा उत्साहात शुभारंभ करण्यात आला. जपानी भाषेचे अभ्यासक प्रा. डॉ. विजय वाकोडे यांच्या मार्गदर्शनाखाली विद्यार्थ्यांना नि:शुल्क जपानी भाषेचे प्रशिक्षण दिले जाणार आहे.

शाळेत गेल्या वर्षभरापासून विद्यार्थ्यांच्या सर्वांगीण विकासासाठी दर्जेदार, गुणवत्तापूर्ण आणि भविष्यवेधी उपक्रम सातत्याने राबविण्यात येत आहेत. गतवर्षी सुरू करण्यात आलेल्या ‘अभ्यासाचा भोंगा’ या अभिनव उपक्रमाला मिळालेल्या यशानंतर शैक्षणिक वर्ष 2026-27 मध्ये जपानी भाषा शिक्षणाचा नवा उपक्रम सुरू करण्यात आला आहे.

या उपक्रमाचा उद्देश विद्यार्थ्यांना परदेशी भाषेचे ज्ञान देऊन उच्च शिक्षण, रोजगार आणि आंतरराष्ट्रीय स्तरावरील संधींसाठी सक्षम बनविणे हा आहे. जपानी भाषेचे गाढे अभ्यासक, समाजाभिमुख व दातृत्वशील व्यक्तिमत्त्व एस.पी.एम. महाविद्यालयाचे प्रा. डॉ. विजय वाकोडे यांनी कोणतेही मानधन न घेता विद्यार्थ्यांना जपानी भाषा शिकविण्याची जबाबदारी स्वीकारली आहे.

कार्यक्रमाचे उद्घाटन प्रा. डॉ. विजय वाकोडे यांच्या हस्ते झाले. यावेळी गावातील आजी-माजी सरपंच, उपसरपंच, शाळा व्यवस्थापन समितीचे आजी-माजी पदाधिकारी, तंटामुक्ती समितीचे सदस्य, पोलीस पाटील, सोसायटीचे पदाधिकारी तसेच ग्रामस्थ मोठ्या संख्येने उपस्थित होते.

मुख्याध्यापकांनी प्रास्ताविकात या उपक्रमाची गरज, महत्त्व आणि विद्यार्थ्यांच्या भविष्यासाठी त्याचे औचित्य स्पष्ट केले. उद्घाटनपर भाषणात प्रा. डॉ. विजय वाकोडे यांनी जपानी भाषेचे वाढते जागतिक महत्त्व अधोरेखित करत, ही भाषा आत्मसात केल्यास जपानसह विविध देशांमध्ये रोजगाराच्या संधी उपलब्ध होऊ शकतात, असे सांगितले. गावातील सर्व विद्यार्थी तसेच युवक-युवतींनी या संधीचा लाभ घ्यावा, असे आवाहनही त्यांनी केले.

यानंतर जपानी भाषेचा पहिला वर्ग घेण्यात आला. विद्यार्थ्यांनी उत्स्फूर्त प्रतिसाद देत नव्या भाषेच्या अध्ययनाला सुरुवात केली. विद्यार्थ्यांच्या चेहऱ्यावर दिसणारा आनंद, उत्सुकता आणि शिकण्याची जिद्द कार्यक्रमाचे विशेष आकर्षण ठरली.

कार्यक्रमाच्या शेवटी उपस्थितांचे आभार मानून समारोप करण्यात आला. विद्यार्थ्यांच्या उज्ज्वल भविष्यासाठी राबविण्यात आलेल्या या अभिनव उपक्रमाचे सर्व स्तरांतून कौतुक होत आहे.

ठळक बाबी

– जपानी भाषा शिक्षणाचा अभिनव उपक्रम सुरू.
– प्रा. डॉ. विजय वाकोडे यांचे नि:शुल्क मार्गदर्शन.
– विद्यार्थ्यांना जागतिक रोजगाराच्या संधींची दिशा.
– नायगाव बुद्रुक शाळेचा आणखी एक भविष्यवेधी उपक्रम.

The post नायगाव बुद्रुक शाळेचे आणखी एक भविष्यवेधी पाऊल appeared first on VISHAKHA 24 NEWS.

आदर्श विद्यालय, चिखली येथे ‘निवडणूक साक्षरता क्लब’ बैठक संपन्न..

मतदान नोंदणी अधिकारी तथा उपजिल्हाधिकारी माननीय राजेंद्रजी पोळ साहेब, सहाय्यक मतदान नोंदणी अधिकारी तथा तहसीलदार सवडे साहेब, मुख्याधिकारी नगरपरिषद चिखली मा.बिडगर साहेब यांच्या मार्गदर्शनात…..

​चिखली, ८ जुलै २०२६: चिखली येथील आदर्श विद्यालय येथे आज दि. ८ जुलै २०२६ रोजी २३-चिखली विधानसभा मतदार संघांतर्गत ‘निवडणूक साक्षरता क्लब’ (ELC) च्या निमित्ताने मुख्याध्यापक आणि प्राचार्यांची एक महत्त्वाची बैठक आयोजित करण्यात आली होती. यामध्ये कार्यक्रमामध्ये सर्वांना जनजागृती तसेच blo आणि त्यांचे सहकारी आपल्या घरी आल्यानंतर त्यांना सहकार्य करावे यासाठी जनजागृती करणे , प्रभात फेरी आयोजित करणे ह्याविषयी मार्गदर्शन मा. नायब तहसीलदार मुरलीधर गायकवाड साहेब, व उपमुख्याधिकारी मा. गवळी साहेब, यांनी मार्गदर्शन केले. या कार्यक्रमाचे अध्यक्ष मा. प्राचार्य, सतीशजी गव्हले यांनी भूषण उपस्थित त्यांना मार्गदर्शन केले या वेळी उपस्थित मध्ये मा. शकील सर प्रशासन अधिकारी शिक्षण विभाग, होते..या कार्यक्रमाचे सूत्रसंचालन कलाशिक्षक श्री गणेश अंभोरे सर यांनी केले याकार्यक्रमाच्या यशस्वितेसाठी ELC चे प्रा .काकडे, प्रा. लोखंडे, श्री. राजू पवार, श्री. सुधीर शेटे यांचे सहकार्य लाभले…

The post आदर्श विद्यालय, चिखली येथे ‘निवडणूक साक्षरता क्लब’ बैठक संपन्न appeared first on VISHAKHA 24 NEWS.

शेलगाव जहागीर येथील अत्याचारप्रकरणी आरोपींवर कठोर कारवाईची वंचित बहुजन आघाडीची मागणी…

चिखली, प्रतिनिधी : शेलगाव जहागीर येथे एका मागासवर्गीय महिलेवर झालेल्या कथित अमानुष अत्याचारप्रकरणी आरोपींवर तातडीने कठोर कायदेशीर कारवाई करून त्यांना लवकरात लवकर अटक करण्यात यावी, अशी मागणी वंचित बहुजन आघाडीच्या वतीने करण्यात आली.

यावेळी प्रतिनिधी मंडळाने आरोपींना तात्काळ अटक करून त्यांच्याविरुद्ध लागू असलेल्या सर्व संबंधित कायद्यांनुसार कठोर कारवाई करण्यात यावी, तसेच पीडित महिलेला न्याय मिळावा, अशी मागणी निवेदनाद्वारे केली.

या वेळी चिखली शहरातील वंचित बहुजन आघाडीचे पदाधिकारी व कार्यकर्ते मोठ्या संख्येने उपस्थित होते..

The post शेलगाव जहागीर येथील अत्याचारप्रकरणी आरोपींवर कठोर कारवाईची वंचित बहुजन आघाडीची मागणी appeared first on VISHAKHA 24 NEWS.

सातव्या बहुजन साहित्य संमेलनाची तारीख घोषित.

महाराष्ट्र तथा बाहेर राज्यातही हळूवार प्रसिध्दी पावलेल्या बहुजन साहित्य संघ, चिखली च्या गेल्या अनेक महिन्यांपासून बहुचर्चित सातव्या बहुजन साहित्य संमेलनाची तारीख अखेर स्थानिक नागालॅंड चौक स्थित नियोजित ठिकाणी सोलापूर जिल्ह्यातील लोकप्रिय सामाजिक कार्यकर्ते तथा महाराष्ट्रातील ख्याति प्राप्त साहित्यिक लेखक – कवि नागेश सिंघन यांच्या अध्यक्षतेखाली व सुप्रसिद्ध मार्मिक प्रकाशन चे सर्वेसर्वा रविंद्र वसंत सोनार यांच्या प्रमुख उपस्थितीमध्ये संपन्न झालेल्या बैठकीत ब. सा. सं. चे संस्थापक अध्यक्ष ॲड. डॉ. विजयकुमार कस्तुरे, उपाध्यक्ष डॉ. बबनराव महामुने, सदस्य अंकुश पडघान अशा सर्वांनी मिळून दि. २३-०८-२०२६ या दिवशी संतनगरी पंढरीच्या पावन भूमीमधे सातवे राज्यस्तरीय बहुजन साहित्य संमेलन, २०२६ घेण्याचे निश्चित करून तशी घोषणा सर्वांनी मिळून करण्यात आली.
तसेच प्रस्तावित संमेलनाची ग्रंथदिंडीने सुरूवात होवून रांगोळी प्रदर्शनी, ग्रंथ प्रदर्शनी, ( पोस्टर पोएट्री ) काव्यफलक प्रदर्शनी, उदघाटन, परिसंवाद, कथाकथन, सांस्कृतिक कार्यक्रम व एकांकिका, कविसंमेलन, विविध क्षेत्रातील समर्पित सेवेसाठी मान्यवरांना पुरस्कार वितरण, सहभागी साहित्यिकांचा सन्मान व समारोप अशा भरगच्च कार्यक्रमास मान्यता देण्यात आली.
या निमित्ताने संतनगरीतील प्रस्तावित अक्षर यात्रेत सर्व मान्यवर साहित्यिक, कवि, लेखक, कथाकार, कलावंत इ. नी सोत्साह सहकार्य तथा योगदान देवून सहभागी होण्यासाठी आयोजक आणि संयोजक यांच्या कडून नम्र आवाहन करण्यात येत आहे.
संपर्क :
रविंद्र सोनार : ९९२२५१४३००,
डॉ. डी. व्ही. खरात : ७७४४८११९८२.

The post सातव्या बहुजन साहित्य संमेलनाची तारीख घोषित. appeared first on VISHAKHA 24 NEWS.

चिखली : दि. २१-०६-२०२६ रोजी मूळचे टाकरखेड मुसलमान, ता. चिखली, जिल्हा बुलढाणा येथील रहिवासी असलेल्या भारतीय सैन्यामधे फार मोठी सेवा केलेल्या व परिसरातील गावलोकांमधे सामाजिक कार्यकर्ते या नात्याने लोकप्रिय असलेल्या शामराव नाथाजी खरात यांचे वयाच्या अंदाजे ९० व्या वर्षी वृध्दापकाळ तथा दुर्धर आजाराने परवा चिखली येथे निधन झाले आणि दि. २१-०६-२०२६ रोजी त्यांच्या जलदान / पुण्यानुमोदन विधी निमित्ताने श्रध्दांजली सोहळ्यात हजर झालो. थोडा विलंब झाल्यामुळे आणि दुपार होत असल्याने उन्हाचा भर वाढू लागल्याने उपस्थित मंडळींच्या हालचालींवरून सूत्र संचालक विधी कर्ता यांनी श्रध्दांजली निमित्ताने होत असलेली भाषणे आवरती घेत उर्वरीतांची क्षमा मागून भन्तेजींकडे पुढील विधीची सूत्रे सोपवली. आणि मला का. खरात यांच्या भेटीची दिल्ली येथील अंदाजे पन्नास वर्षांपूर्वीची आठवण सांगावयाची राहून गेली. ती सल कायम मनात बोचू नये यासाठी हे निवेदन करीत आहे.
अंदाजे १९७४ ते ७६ च्या दरम्यान मी, माझे बंधू ( आता सेवानिवृत्त उपविभागीय पोलिस अधिकारी ) पी. एस्. कस्तुरे, एकेकाळी महाराष्ट्रभर सूरसंगम ऑर्केस्ट्रा मधून मधूर फिडल वादनामुळे गाजलेले कलावंत सुधाकर हिवाळे
एस्. जी.जाधव ( आताचे सेवानिवृत्त तत्कालीन म. फुले विकास महामंडळ जिल्हा व्यवस्थापक, बुलढाणा ), डी. आर. चव्हाण ( आताचे सेवानिवृत्त तत्कालीन म. फुले विकास महामंडळ जिल्हा व्यवस्थापक, बुलढाणा ), अधिक दोघे मित्र असे औरंगाबाद ( आताचे छ. संभाजीनगर ) येथे बाबासाहेबांच्या पिपल्स एज्युकेशन सोसायटीच्या नागसेनवनात ते वेगवेगळ्या व मी विधी महाविद्यालयीन शिक्षणासाठी बं. नं. ६, लक्ष्मी कॉलनी, प्रा. चिटणीस सरांच्या शेजारी, वऱ्हाडचा वाघ म्हणून ख्याती प्राप्त आंबेडकरी चळवळीतील सेनानी सुखदेव राव जाधव, चिखली यांची भाची आणि बाबासाहेबांच्या प्रॉब्लेम ऑफ द रूपी या ग्रंथावर पहिल्यांदा पीएचडी करणारे प्रा. एम्. एल्. कासारे यांची मावसबहिण मंदाताई ऊर्फ आक्का दाभाडे यांच्याकडे राहत असताना, आकस्मिक, भारताची राजधानी दिल्ली येथे जाण्याचा योग आला. आमच्या सारख्या तत्कालीन केवळ शिष्यवृत्ती व महाविद्यालयातून मिळणाऱ्या सुकडीवर कसेतरी दिवस काढणाऱ्या आणि खोलीचे अकरा रुपये भाडेही अनेक महिन्यांपासून अंगावर असणाऱ्यास दिल्लीला जाण्याची संधी मिळणार ही बाब म्हणजे आभाळ दोन बोटे राहिल्यासारखे न झाल्यास नवल होते.

ही संधी मिळण्याचे कारण म्हणजे त्याकाळी त्या कॉलनीतीलच एक पोस्ट कर्मचारी पी. वाय. वाघमारे दादाआणि लक्ष्मी कॉलनी व नागसेन वनातील इतर काही कर्मचारी, ( नंतरच्या काळात बुलढाणा येथे ग्रामसचिव तथा कृषी अधिकारी म्हणून सेवानिवृत्त झालेले ) ठाकरे बंधू , बाबासाहेबांच्या महाविद्यालयात शिकून नंतर तेथेच प्राध्यापक व प्राचार्य झालेल्या पी. के. भालेराव सरांचे साले अशोक साळवे ( देना बँक अधिकारी ) अशी बरीच मंडळी तत्कालीन डी. संजीवय्या यांनी स्थापन केलेल्या व संस्थापक अध्यक्ष असलेल्या, फेडरेशन ऑफ शेड्यूल्ड कास्ट्स – शेड्यूल्ड ट्राईबस् वेल्फेअर असोसिएशन्स मधे मोलाचे योगदान देवून काम करीत होती. बहुतेक शंकरराव सुरडकर हे चळवळीतील कार्यकर्ते त्यामधे महाराष्ट्राचे प्रमुख पदाधिकारी होते. ( नंतर त्यातून वेगळे निघून त्यांनी आपल्या अध्यक्षतेखाली स्वतंत्र संघटना, कर्मचाऱ्यांच्या हिताच्या संवर्धनासाठी काढली व नंतर त्यातूनच कर्मचारी हितसंवर्धन कार्याशी जुळलेले कृष्णा इंगळे यांनी आणखी वेगळी संघटना माझ्या व इतर सहकाऱ्यांच्या उपस्थितीत मेहाडीया बिल्डींग, नागपूर येथे झालेल्या बैठकीत आम्ही सुचवल्याप्रमाणे कास्ट्राईब या नांवाने स्थापित करून त्याचे ते अध्यक्ष झाले. ) त्या फेडरेशन च्या प्रमुख पदाधिकाऱ्यांपैकी मी एक होतो.
त्या संस्थेचे राष्ट्रीय अधिवेशन दिल्लीस आयोजित करण्यात आल्याचे व प्रमुख पदाधिकाऱ्यांनी त्यामधे उपस्थित राहण्यासाठी पत्र आणि रेल्वेच्या मोफत प्रवासाचा मराठवाड्यातील बारा जणांसाठी संयुक्त पास सुध्दा आला होता. त्या कारणास्तव मी वकीली व्यवसायात असल्याने माझे नांव पहिले घेण्यात आले व सोबत वाघमारे दादा, अशोक साळवे, ठाकरे बंधू आपापल्या कुटुंबासह, अधिक इतर पाच जण असे दिल्लीस सदर अधिवेशनासाठी गेलो. माझा इतर खर्च सर्व मित्रांनी मिळून केला होता.
तत्कालीन विधी महाविद्यालयीन शिक्षण घेताना आमच्या सोबत भारतीय सैन्यामधील औरंगाबाद छावणीमधील कॅप्टन बापूराव, मेजर क्रिष्णन आणि हेडक्लर्क ताराचंद ही हरियाणाची अधिकारी मंडळी सुद्धा डॉ. आंबेडकर विधी महाविद्यालयात आमच्या बरोबर होती व घनिष्ठ मित्र म्हणून भारतीय सैन्यामधे जवानांची भरती करण्यासाठी आम्ही त्यांना मदत करावी म्हणून ते आम्हाला नेहमी आग्रह करीत राहायचे. त्यामुळे त्यांच्या आग्रहाखातर मी चिखली येथील माझा बालमित्र काल्या ऊर्फ रामकिशन नामदेव शिंदे, आमच्या एका जैन फिरत्या कापड व्यापारी मित्राचा मुलगा ( व माझा मानसपुत्र ) अभय मनोहरराव वायकोस आणि माझे मित्र चिखली येथील प्रतिष्ठित व्यापारी रामपाल लढ्ढा यांचा एक नातेवाईक तरूण शर्मा व इतरही बऱ्याच जणांना भारतीय सैन्यात भरती केले होते. ( माझ्या अशा सहकार्यामुळे मला औरंगाबाद छावणीमधील माझ्या त्या मित्र अधिकाऱ्यांनी मानद भरती अधिकारी म्हणून शिफारस केली होती. त्यामुळे औरंगाबाद छावणीमधून बुलढाणा जिल्ह्यात पहिल्यांदा सैनिक भरती ची सुरुवात मी चिखली येथून करून नंतर पूर्ण जिल्ह्यातील विश्राम गृहावर सैनिक भरती चे कार्यक्रम जवळजवळ पंधरा वर्षे राबविले व शेकडो जवान त्यामुळे औरंगाबाद छावणीमधून भारतीय सैन्यामधे भरती झाले. त्यापैकी रामकिसन शिंदे हा त्यावेळी दिल्ली येथील राष्ट्रपती भवनातील सैनिक चमू मधे तैनात असल्याचे त्याने पत्राने मला कळवून आपल्या जिल्ह्यातील चिखली जवळील गावचे शामराव खरात हे व आणखी एक बोरकर नांवाचे सैनिक त्याच्या बरोबर राष्ट्रपतींच्या एडीसी पथकात असल्याचे अधूनमधून पाठवलेल्या पत्रात सांगत होता. आम्हाला अधिवेशनासाठी दिल्लीला यायचे असल्याचे मी त्याला पत्र दिल्याने आम्ही त्यांना भेटायला राष्ट्रपती भवनातील साऊथ व नॉर्थ ब्लॉक येथे यावे असा आग्रह त्यांनी करून त्यांच्या अधिकाऱ्यांची परवानगीही घेऊन ठेवली होती.
म्हणून अधिवेशन आटोपल्यावर आम्ही त्यांच्याकडे साऊथ ब्लॉक येथे नियुक्त अधिकाऱ्यांची परवानगी घेऊन गेलो तेव्हा तेथे शामराव खरात यांची भेट झाली. त्यांनी त्यांची ओळख सांगितली.
त्या सर्वांना मोठा आनंद झाला. आम्हाला त्यांनी साऊथ व नॉर्थ ब्लॉक मधील त्यांच्या नियुक्तीची माहिती देवून परवानगीने संसदभवन सुध्दा बाहेरून दाखविले. तेथील अधिकाऱ्यांसोबत चहा दिला. हा आनंद आमच्या आयुष्यातील त्याकाळातील सर्वात मोठा आनंद होता. आम्ही पहिल्यांदा देशाची राजधानी जेथे बाबासाहेबांच्या संविधानाचा पहिला गजर झाला होता ते संसद भवन पाहिले होते. आणि तो आनंद केवळ रामकिसन शिंदे आणि शामराव खरात यांच्यामुळे आम्हाला मिळाला असल्याने ते क्षण आमच्या जीवनातील अविस्मरणीय ठरले.
नंतर आम्ही तेथून परतलो.
दिल्ल फेडरेशन च्या संबंधित अधिवेशनात सहभागी होऊन वरील सैनिकांची भेटही झालेली असल्याने व वाघमारे दादांना अधिक सुटी नसल्याने व मलाही इतरांच्या मदतीवर तेथे जास्त राहणे शक्य नसल्याने आम्ही दोघांनी संयुक्त मोफत प्रवासी पासमधून दोघांचा पास येणकेणप्रकारेण वेगळा करून घेवून आम्ही औरंगाबाद येथे परत आलो.
अशी ती आमच्या जीवनातील अविस्मरणीय आनंदाची स्मृती मी शामरावजींच्या जलदान विधीवेळी सर्वांसमोर मांडू शकलो नाही ही खंत सल म्हणून सतत मनाला टोचत राहू नये या करिता माझ्या मोडक्यातोडक्या शब्दात मांडून ही माझी श्रध्दांजली अर्पण करीत आहे.

                 — ॲड. विजयकुमार कस्तुरे…..
                           ९८५०२७५१०४.

The post कालकथित माजी सुभेदार शामराव खरात यांच्या श्रद्धांजली निमित्ताने एक आठवण….. appeared first on VISHAKHA 24 NEWS.

“मरावे परी नेत्ररूपी उरावे”

क्रांतिकारी संत मनुश्री तरुण सागरजी महाराज आपल्या प्रवचनात म्हणतात कि, “जगात सज्जन आणि दुर्जन दोन्ही प्रकारचे लोक असतात. दोघेही जगतात पण दोघात फरक फक्त इतकाच असतो कि, सज्जन दुसऱ्यांना हसवून आणि दुर्जन दुसऱ्यांना रडवून जातात. असे जीवन जगा कि, जेव्हा तुम्ही हे जग सोडून जाल तेव्हा लोक रडतील, तुमची आठवण ठेवतील. असे जीवन जगू नका कि, लोक म्हणतील बरे झाले एक पापी कमी झाला. हे जग सोडतांना लोकांच्या मनात मधुर स्मृती आणि डोळ्यात प्रेमाचे अश्रू ठेवून जा.”

आज जागतिकीकरनाच्या रेट्यात माणूस व्यवहारी बनला आहे. माणसाला आज स्वार्थाशिवाय काहीच दिसत नाही. त्यामुळे जीवन जगतांना एखाद्याला मदतीचा हात देण्यासही माणूस आज तयार नाही. स्वतःच्या भावाला व नातेवाईकाला देखील फसविण्यास माणूस आज मागे पुढे पाहत नाही. मग दुसऱ्या कोणाला मदतीबाबत माणूस काय विचार करणार? त्यातल्या त्यात दान तर बाजूलाच राहते. मदत व दान यामध्ये फरक आहे. मदतीमध्ये थोडा तरी स्वार्थ असतो, ती परत मिळावी असे अपेक्षित असते किंवा त्या व्यक्तीने पुन्हा कधी तरी आपल्या कमी यावे असा स्वार्थ मदत करते वेळी माणसाला असतो. दानात तसे नसते, दान मनापासून द्यायचे असते. दानात कोणत्याही रुपात परतीची अपेक्षा नसते. खर तर स्वार्थाचा विचार देखील मनाला शिवत नाही, दान हे श्रेष्ठ असते. दानासारखे समाधान दुसऱ्या कशातही नाही. प्राचीन काळापासून दानाचे महत्व खूप आहे. हिंदू धर्मग्रंथ रामायण आणि महाभारतात देखील दानाचे महत्व स्पष्ट केले आहे. पूर्वी दान करणे हा आचरनाचाच एक भाग होता.

The post १० जून जागतिक दृष्टिदान दिन आणि १० ते १६ जून “दृष्टिदान सप्ताह” “दानात दान दृष्टिदान” “मरावे परी नेत्ररूपी उरावे appeared first on VISHAKHA 24 NEWS.

“आसई भूषण पुरस्काराने “ सन्मानित

क्रांतीज्योती सावित्रीबाई फुले, राजमाता जिजाऊ मांसाहेब, छत्रपती शिवाजी महाराज, क्रांतीसुर्य महात्मा ज्योतिबा फुले, महामानव डॉ. बाबासाहेब आंबेडकर, राजर्षी शाहू महाराज (स्मृतिदिन) वीर महाराणा प्रताप, राष्ट्रसंत गाडगेबाबा, स्वराज्य रक्षक छत्रपती संभाजी महाराज यांचा एकत्रित सार्वत्रिक जयंती सोहळा..

आज दी.14:05:2026 जुई फाउंडेशन , शंभू राजे फाउंडेशन, मोरिया गणेश उत्सव, फुले शाहू आंबेडकर उत्सव समिती, व युद्धभूमी आसई ग्रामस्थ
यांच्या पुढाकारातून छत्रपती संभाजी महाराज जयंतीच्या निमित्ताने सालाबादप्रमाणे यावर्षी देखील विविध उपक्रम साजरे केले गेले. यावेळी 90% पेक्षा जास्त गुण असलेल्या विद्यार्थ्यांचा सत्कार. नव्याने शासकीय नोकरी निवड झालेल्यांचा सत्कार. शासकीय सेवेतून सेवानिवृत्त झालेल्यांचा सेवा गौरव. तसेच यावेळी रमेश गिरी नांदेडकर यांचा प्रबोधनात्मक कार्यक्रम सुद्धा आयोजित करण्यात आला होता. यावेळी भारत स्वातंत्र्य झाल्यानंतर पहिल्यांदाच युद्धभूमी आसई येथील गावतील एका व्यक्तीला “आसई भूषण पुरस्काराने सन्मानित “करण्याचे ठरले. जुई फाउंडेशन चे सर्व पदाधिकारी व ग्रामस्थांनी मिळून ज्यांचे वैचारिक,सांस्कृतिक उत्सव , सामाजिक कार्य, शैक्षणिक, गावतील मतभेद दूर करून एकोपा तयार करणे, प्रामाणिकपणा आणि दूरदृष्टीने काम करणे , सुख दुःखात हिरिरीने सहभागी होणे, गरजूंना मदत करणे असे अनेक क्षेत्रात असलेले कार्य, असल्याने एकमताने मा श्री विलास प्रकाशराव इंगळे यांच्या नावावर “आसई भूषण पुरस्कार “ देण्याबद्दल शिक्कामोर्तब केले. व स्वराज्य रक्षक छत्रपती संभाजी महाराजांच्या जयंतीच्या निमित्ताने त्यांना आसई भूषण पुरस्कार 2026 “मानपत्र “देऊन सन्मानित करण्यात आले… यावेळी श्री विलासराव यांनी सत्काराला उत्तर देताना विलास पाटील इंगळे यांच्या भावना दाटून आल्या आणि त्यांनी सांगितले की आसई भूषण पुरस्कार मला दिल्यानंतर माझ्या जबाबदारीमध्ये अधिकची वाढ झाली आहे त्याची मला नक्कीच जाणीव आहे. हा माझ्या जन्म भूमी व कर्म भूमी मधे सर्व गावकरी मंडळींनी जो आसई भूषण पुरस्काराने सन्मानित केले ते मला जीवन गौरव पुरस्कारा पेक्षाही लहान नाही,जुई फाऊंडेशन व गावकरी मंडळी यांनी माझ्यावर टाकलेल्या विश्वासाला हृदयाला तड जाणार नाही आपण दिलेल्या प्रेमाबद्दल आणि आशीर्वादाबद्दल मी भारावून गेलो आहे ,या भावना या वेळी श्री विलास पाटील इंगळे यांनी व्यक्त केल्या या वेळी फाऊंडेशन चे सर्व पदाधिकारी ग्रामस्त बालगोपाळ विविध क्षेत्रातीन कलाकार मान्यवर महिला व पुरुष मंडळी मोठ्या संख्येने उपस्थित होते..

The post मा विलास पाटील इंगळे यांना “आसई भूषण पुरस्काराने “ सन्मानित appeared first on VISHAKHA 24 NEWS.

पुणे :

येथील स्वानंद पार्टी हॉल, ऋषिकेश पार्क, हडपसर च्या सुंदर सभागृहात दि. ०१-०५-२०२६ रोजी आयोजित केंद्रीय मानवाधिकार संगठन नई दिल्ली च्या राज्य स्तरीय संमेलन आणि राज्य कार्यालयाच्या उदघाटनाच्या निमित्ताने मा.राष्ट्रीय अध्यक्ष डॉ. मिलिंद दहिवले यांच्या अध्यक्षतेखाली अत्यंत उत्साहात पार पडलेल्या या कार्यक्रमात प्रमुख वक्ता या नात्याने आपले विचार मांडत असताना राष्ट्रीय कार्यकारी अध्यक्ष तथा ज्येष्ठ साहित्यिक व सामाजिक चळवळीतील खंदे सैनिक ॲड. डॉ. विजयकुमार कस्तुरे यांनी अत्यंत परखडपणे वरील विधान केले.
पुढे बोलताना माणसाने माणसाला माणूस म्हणून समजून घेणे आणि प्रत्येका विषयी
आपल्या हृदयात आस्था, आपुलकी, आत्मीयता, प्रेम, आपपरसमभाव, सहिष्णुता, सौजन्याची भावना जोपासणे तसेच माणूस या नात्याने आपले कर्तव्य आणि जबाबदारी व सोबतच वैश्विक तथा जगातील प्रत्येक देशाने व आपल्या भारत देशानेही आपापल्या परीने अधिनियमाच्या स्वरूपात मानवाधिकारांना दिलेले समर्थन व संरक्षण याची जाणीव अन् स्मरण ठेवून तसे वर्तन ठेवणे..
यालाच माणूस म्हणता येईल अन् हे सर्व विसरून जगण्याला, जल्मी आला हेला नि पानी वाहता वाहता मेला…..असेच म्हणावे लागेल हे आवर्जून सांगताना हे मानवीय कार्य करण्यासाठीच केंद्रीय मानवाधिकार संगठन नई दिल्ली ची स्थापना डॉ. दहिवले सरांनी केलेली असून आपण सर्वांनी या पवित्र कार्यात त्यांच्याबरोबर तनमन धनाने योगदान दिले पाहिजे असे भावनिक आवाहन सुध्दा केले. जगाच्या इतिहासात मानवी कल्याणासाठी ज्या महापुरुषांनी आजन्म वाहून घेवून प्रसंगी सर्वस्वाचे बलीदान केले त्यांच्या शिकवणी आपल्या कविता, कवने, शेरोशायरी, विधानाद्वारे मराठी, हिंदी, इंग्रजी, संस्कृत तथा उर्दू अशा विविध भाषांमधून गाऊन व कथन करून क्षणात हसवीत तर क्षणात गंभीर करीत हे मानवीय पुण्य कार्य करण्याची संधी आपल्याला या संगठनच्या माध्यमातून मिळाली असून त्यानिमित्ताने माणूस म्हणून जगण्याचे आपण सोने केले पाहिजे हा ही आग्रह त्यांनी सर्वांना केला

.
एवढेच नाही तर पुण्यातील संगठनच्या या सेवाभावी कार्यात आज उदघाटन झालेल्या कार्यालयाच्या माध्यमातून मानवाधिकार संवर्धनाची धुरा प्रत्येकाने सामर्थ्यपूर्वक पेलून संगठनचा नावलौकिक वाढविण्यासाठी तत्पर असले पाहिजे हे सुध्दा निक्षून सांगितले.
कें. मा. सं. चे राष्ट्रीय अध्यक्ष डॉ. मिलिंद दहिवले यांच्या हस्ते पुणे कार्यालयाच्या उदघाटनानंतर सुरू झालेल्या या अधिवेशनात संगठनच्या सक्रिय राष्ट्रीय महिला प्रकोष्ट पदाधिकारी डॉ. ज्योती गुरव, गोवा राज्य पदाधिकारी डॉ. सूरज बेहेरे, ह्या अधिवेशनाचे आयोजक आयुष्मान रमेश गायकवाड, सुप्रसिद्ध साहित्यिक तथा कें. मा. सं. चे राष्ट्रीय संघटन सचिव डॉ. बबनराव महामुने, ब्रम्हकुमारी अंशुमला दिदी इ. ची संगठनच्या तथा माणसाच्या मानवाधिकार संदर्भात मार्गदर्शन व प्रबोधन करणारी भाषणे झाली. तसेच कें. मा. सं. चे संस्थापक अध्यक्ष डॉ. मिलिंद दहिवले यांनी संगठनच्या संस्थापनेपासूनचा करावा लागलेला संघर्ष आणि तरी देशभर व देशाबाहेर सुध्दा मानवाधिकार संवर्धनार्थ आपल्या विचाराचे सहकारी जोडत पाच लाखाच्या वर निस्वार्थ सेवाव्रती कें. मा. सं. च्या माध्यमातून जुळवून हा समाजकार्याचा रथ यशस्वीरीत्या इथपर्यंत आणला असून तो असाच सातत्याने व सक्षमपणे पुढे नेणे आपले आद्य कर्तव्य आहे असे भावनिक आवाहन सुध्दा सर्वांना केले.
या सुंदर व अविस्मरणीय सोहळ्याची वैशिष्ट्ये म्हणजे मान्यवरांचे हस्ते संगठनच्या लोबोचे करण्यात आलेले विमोचन महापुरुषांच्या प्रतिमांचे पुष्पार्पणाने करण्यात आलेले अभिवादन, डॉ. मिलिंद दहिवले, डॉ. विजयकुमार कस्तुरे तथा डॉ. सूरज बेहेरे यांना ( म. फुले फेम ) पुणेरी पगडी चढवून त्यांचा पुणेकर मंडळींच्या तर्फे करण्यात आलेला हृद्य सन्मान व सत्कार, डॉ. विजयकुमार कस्तुरे यांना रा. अध्यक्ष डॉ. मिलिंद दहिवले यांच्या हस्ते प्रदान करण्यात आलेला राष्ट्रीय जीवन गौरव पुरस्कार व बाबासाहेबांच्या जनता पत्राच्या अंकांच्या संकलन ग्रंथाची विशाल प्रत प्रदान करून झालेला सन्मान, समाजाच्या विविध क्षेत्रात मानवीय कार्य करणाऱ्या अनेक मान्यवरांना त्यांच्या सामाजिक, सांस्कृतिक, शैक्षणिक, वैचारिक व वैधानिक सेवा कार्यासाठी राज्य व राष्ट्रीय स्तरावरील पुरस्कार देऊन केलेला गौरव, ॲड. कस्तुरे यांचे विविध भाषांमधून प्रसंगी काव्यगीत गाऊन कलाविष्काराद्वारे करण्यात आलेले वैचारिक प्रबोधन, नृत्यनिपूण प्रा. प्रियदर्शन सोनटक्के उर्फ टिना कोल्हापूरकर यांचा अभिवादनीय नृत्यकलाविष्कार, बुध्द जयंती, जागतिक कामगार दिन तथा महाराष्ट्र दिवस निमित्ताने या पवित्र पर्वावर करण्यात आलेले श्रध्देय अभिवादन व त्या संदर्भातील महात्म्य कथनाचे सर्वांनी दाखवलेले आत्मभान, आयोजकांनी केलेली शीतपेय जल आणि रूचकर भोजन व्यवस्था, सुंदर सुशोभित भव्य सभामंडप आणि डॉ. डी. व्ही. खरात यांचे सुंदर आणि प्रसंगाभिमुख सूत्रसंचालन अशा सर्वार्थसंपन्न झालेल्या या उदघाटन व अधिवेशन समारंभाचा समारोप राष्ट्रगीताने करण्यात आला. या सोहळ्याच्या यशस्वितेसाठी आयोजक रमेश गायकवाड तसेच त्यांच्या मित्रमंडळींनी बरेच परिश्रम घेतले.

The post माणसाच्या मनात माणूसकीचा मळा निर्माण होणे….ॲड. विजयकुमार कस्तुरे. appeared first on VISHAKHA 24 NEWS.

जिद्द, मेहनत आणि सातत्याचा विजय — विलास डोंगरदिवे यांचा जिल्हाधिकाऱ्यांच्या हस्ते सत्कार

बुलढाणा: चिखली तालुक्यातील मेरा बु. गावचे सुपुत्र विलास अण्णाभाऊ डोंगरदिवे यांची ठाणे शहर पोलिस दलात खुल्या प्रवर्गातून उल्लेखनीय यश संपादन करत निवड झाली त्याबद्दल त्यांचा नुकताच जिल्हाधिकारी प्रवीणकुमार देवरे यांच्या हस्ते गौरवपूर्ण सत्कार करण्यात आला. या प्रसंगी त्यांनी विलास यांच्या अथक परिश्रमांचे आणि चिकाटीचे विशेष कौतुक केले.
विलास डोंगरदिवे यांनी पोलिस भरती प्रक्रियेत 150 पैकी तब्बल 132 गुण मिळवत खुल्या प्रवर्गातून आपली निवड निश्चित केली. ही निवड त्यांच्या सातत्यपूर्ण मेहनतीचे आणि न डगमगणाऱ्या आत्मविश्वासाचे फलित असल्याचे यावेळी बोलताना अधोरेखित करण्यात आले. अनेक अडचणींवर मात करत, अपयशाला न जुमानता त्यांनी आपले ध्येय गाठले, हे तरुणांसाठी प्रेरणादायी उदाहरण ठरत आहे.
नुकतेच पदभार स्वीकारलेले जिल्हाधिकारी प्रवीणकुमार देवरे यांनी विलास यांच्या यशाबद्दल मनापासून अभिनंदन करत, “सातत्य, शिस्त आणि कठोर परिश्रम यांच्या जोरावर कोणतेही ध्येय गाठता येते,” असा संदेश दिला. त्यांनी पुढे सांगितले की, ग्रामीण भागातून येणाऱ्या तरुणांनी अशा यशकथा पाहून प्रेरणा घ्यावी आणि स्वतःचे स्वप्न साकार करण्यासाठी जिद्दीने प्रयत्न करावेत.
विलास डोंगरदिवे यांनी सांगितले की, “जिल्हाधिकाऱ्यांच्या हस्ते झालेला हा सत्कार माझ्यासाठी अत्यंत अभिमानास्पद आणि अविस्मरणीय क्षण आहे. माझ्या मेहनतीची दखल घेतल्याने पुढील वाटचालीसाठी नवी ऊर्जा मिळाली आहे.” त्यांनी आपल्या यशाचे श्रेय कुटुंबीयांचे पाठबळ, गुरुजनांचे मार्गदर्शन आणि सातत्यपूर्ण सराव यांना दिले.

बुलढाणा: चिखली तालुक्यातील मेरा बु. गावचे सुपुत्र विलास अण्णाभाऊ डोंगरदिवे यांची ठाणे शहर पोलिस दलात खुल्या प्रवर्गातून उल्लेखनीय यश संपादन करत निवड झाली त्याबद्दल त्यांचा नुकताच जिल्हाधिकारी प्रवीणकुमार देवरे यांच्या हस्ते गौरवपूर्ण सत्कार करण्यात आला. या प्रसंगी त्यांनी विलास यांच्या अथक परिश्रमांचे आणि चिकाटीचे विशेष कौतुक केले.
विलास डोंगरदिवे यांनी पोलिस भरती प्रक्रियेत 150 पैकी तब्बल 132 गुण मिळवत खुल्या प्रवर्गातून आपली निवड निश्चित केली. ही निवड त्यांच्या सातत्यपूर्ण मेहनतीचे आणि न डगमगणाऱ्या आत्मविश्वासाचे फलित असल्याचे यावेळी बोलताना अधोरेखित करण्यात आले. अनेक अडचणींवर मात करत, अपयशाला न जुमानता त्यांनी आपले ध्येय गाठले, हे तरुणांसाठी प्रेरणादायी उदाहरण ठरत आहे.

नुकतेच पदभार स्वीकारलेले जिल्हाधिकारी प्रवीणकुमार देवरे यांनी विलास यांच्या यशाबद्दल मनापासून अभिनंदन करत, “सातत्य, शिस्त आणि कठोर परिश्रम यांच्या जोरावर कोणतेही ध्येय गाठता येते,” असा संदेश दिला. त्यांनी पुढे सांगितले की, ग्रामीण भागातून येणाऱ्या तरुणांनी अशा यशकथा पाहून प्रेरणा घ्यावी आणि स्वतःचे स्वप्न साकार करण्यासाठी जिद्दीने प्रयत्न करावेत.
विलास डोंगरदिवे यांनी सांगितले की, “जिल्हाधिकाऱ्यांच्या हस्ते झालेला हा सत्कार माझ्यासाठी अत्यंत अभिमानास्पद आणि अविस्मरणीय क्षण आहे. माझ्या मेहनतीची दखल घेतल्याने पुढील वाटचालीसाठी नवी ऊर्जा मिळाली आहे.” त्यांनी आपल्या यशाचे श्रेय कुटुंबीयांचे पाठबळ, गुरुजनांचे मार्गदर्शन आणि सातत्यपूर्ण सराव यांना दिले.

यावेळी मा. आमदार अतुल बाबा भोसले यांचे स्वीय सहाय्यक श्री. विनोद सुरडकर तसेच अक्षय अंभोरे यांचीही उपस्थिती होती. त्यांनीही विलास यांचे अभिनंदन करत त्यांच्या उज्ज्वल भविष्यासाठी शुभेच्छा दिल्या.
विलास डोंगरदिवे यांचा हा यशप्रवास केवळ वैयक्तिक विजय नसून, समाजातील अनेक तरुणांसाठी प्रेरणादायी ठरत आहे. कठोर परिश्रम, संयम आणि आत्मविश्वास यांच्या जोरावर कोणतीही अडचण पार करता येते, हे त्यांच्या यशातून पुन्हा एकदा सिद्ध झाले आहे.

भोसले यांचे स्वीय सहाय्यक श्री. विनोद सुरडकर तसेच अक्षय अंभोरे यांचीही उपस्थिती होती. त्यांनीही विलास यांचे अभिनंदन करत त्यांच्या उज्ज्वल भविष्यासाठी शुभेच्छा दिल्या.
विलास डोंगरदिवे यांचा हा यशप्रवास केवळ वैयक्तिक विजय नसून, समाजातील अनेक तरुणांसाठी प्रेरणादायी ठरत आहे. कठोर परिश्रम, संयम आणि आत्मविश्वास यांच्या जोरावर कोणतीही अडचण पार करता येते, हे त्यांच्या यशातून पुन्हा एकदा सिद्ध झाले आहे.

The post जिद्द, मेहनत आणि सातत्याचा विजय — विलास डोंगरदिवे यांचा जिल्हाधिकाऱ्यांच्या हस्ते सत्कार appeared first on VISHAKHA 24 NEWS.

रत्नदीप यशवंत शिनगारे (नगरसेवक)

सविस्तर असे की बारामती तालुक्यातील एक विधवा महिला काही दिवसापूर्वी तिचे पती मरण पावल्याने तीला तिच्या नातेवाईकानी घराबाहेर केले म्हणून ती माहेरी आई वडिलांचा आधार घेऊन राहत होती तिथे चिखली तालुक्यातील एका तरुणाची व तिची भेट झाली पुढे प्रेम प्रकरणात रूपातर झाले. गोष्ट विवाह करण्याइतपत वाढली त्यामुळे त्या तरुणाने तिच्या आई वडिलांना सांगून तिला गावाकडे घेऊन आला तो स्वतः विवाहित होता हे त्याने तिच्यापासून लपवून ठेवले काही दिवसांनी त्याच्या पत्नी ला सर्व माहिती होताच त्या पीडितीला पाच महिन्याची गरोदर असतांना तिला घराबाहेर काढून दिले असता ती भटकंती करत चिखली येथे आली तेव्हा मोल मजुरी करणाऱ्या वंदना इंगळे सुषमा जाधव चंद्रकलाबाई गाडेकर या महिलांची तिची भेट झाल्याने त्यांनी लगेचच नगरसेवक रत्नदीप यशवंत शिनगारे यांच्याशी संपर्क साधला त्यांनी पूर्ण हकीकत जाणून घेऊन लगेचच मानसेवा मल्टीपर्पज फाउंडेशनचे अध्यक्ष प्रशांत डोंगरदिवे यांच्याशी संपर्क साधला त्यावर सखी वन स्टाफ सेंटरच्या केंद्रप्रशासक आशा बोर्डे यांच्याशी संपर्क साधून सदर पीडित महिलेला बुलढाणा येथे भरती केले तेथे पाच दिवस ठेवून तिची पूर्ण वैद्यकीय तपासणी व इतर कायदेशीर मार्गदर्शन करण्यात आले व संबंधित आरोपी वर कायदेशीर प्रक्रिया पूर्ण होईपर्यंत त्या पीडित महिलेला तिची वैद्यकीय प्रक्रिया पूर्ण होई पर्यंत मानवसेवा प्रकल्प अंतर्गत तुकाराम आश्रय वृद्धाश्रम व सुलोचना महिला आश्रम येथे ठेवण्यात आले आहे..

या सर्व प्रक्रियेत अमोल डिघोळे जिल्हा महिला व बाल विकास अधिकारी बुलढाणा यांच्या मार्गदर्शनात, रामेश्वर वसु तालुका संरक्षण अधिकारी बुलडाणा व जीवन चव्हाण तालुका संरक्षण अधिकारी चिखली यांच्या मध्यस्तीने व विशेष सहकार्याने आशा बोर्डे केंद्र प्रशासक सखी वन स्टॉप सेंटर बुलढाणा, एडवोकेट अंजना घोंगडे मारोडकर बुलढाणा, श्वेता सुधाकर जाधव समुपदेशक, संगीता नितीन मोहिते वैद्यकीय कर्मचारी, रत्नदीप यशवंत शिनगारे, नगरसेवक चिखली, वंदना इंगळे,सुषमा जाधव, चंद्रकलाबाई गाडेकर, सुनील निकाळजे पोलीस पाटील साकेगाव,अनिता संतोष मोरे विद्या अनिल मोरे व प्रशांत डोंगरदिवे यांनी सहकार्य केले.

The post पीडित महिलेला सखी वन स्टॉप सेंटर ने मिळवून दिला न्याय*निराधार बेघर बेसहारा वृद्ध महिला बालकां करिता सदैव तत्पर रत्नदीप यशवंत शिनगारे (नगरसेवक) appeared first on VISHAKHA 24 NEWS.